Vazhdojnë protestat e së shtunës në Serbi, sonte u përmend edhe Kosova

22:54 | 18 Janar 2020
Arditë Shkodra

Për të disatën të shtunë me rradhë është duke u protestuar nëpër rrugët e Beogradit.

Sonte, në brohoritjet e të mbledhurve në protestë u përmend edhe Kosova, shkruan lajmi.net.

Arsye për këtë është dy vjetori i vrasjes së ish-liderit serb, Oliver Ivanoviq.

“Ivanoviq u vra në mes të ditës. Pas dy vitesh, ne ende nuk e dijmë kush e urdhëroi vrasjen e tij”, tha njëri nga organizatorët e protestës.

“Kjo ishte vrasje politike, dhe ne do të kërkojmë në vazhdimësi  që të zbardhet e po ashtu nuk do të harrojmë të përmendim fjalinë se Ivanoviq na inspiron neve, edhe pa qenë në mesin tonë”, tha një tjetër protestues.

Prezent në këtë protestë ishte edhe vëllau i Oliver Ivanoviqit, Miroslav Ivanoviq.

Ivanoviq u vra më 16 janar të 2018-tës para zyreve të tij në Mitrovicën e Veriut.

Ndërkaq, protestat në Serbi që po mbahen tash e një kohë nën moton “Një në pesë milionë”, fillet e tyre i kanë nga pakënaqësia ndaj presidentit serb, Aleksander Vuçiq dhe pushtetit atje. 

Shpërndaje në rrjete sociale

Lajmet më të lexuara

Të ngjashme

Foto lajm